Hevpeymana Demokrasî û Azadî ya Kurd ku Partiya Kesk a Çep ligel partiyên siyasî yên li Bakurê Kurdistanê pêk aniya îro karnameya xwe ya derbarê hilbijartinên 14ê Gulanê de eşkere dike.
Partiya Çep a Kesk ku di nav Hevpeymana Ked û Azadiyê de jî cihê xwe digre, di heman demê de ligel hinek partiyên siyasî yên li Bakurê Kurdistanê jî Hevpeymaniya Demokrasî û Azadî ya Kurd pêk aniye.
Di civînê de dê Hevserokê Kongreya Civaka Demokratik (DTK) Berdan Ozturk, Hevseroka Partiya Herêmên Demokratîk (DBP), Hevseroka Partiya Çep a Kesk Çigdem Kiliçgun Uçar, Hevserokê Partiya Demokratîk a Gelan (HDP) Mithat Sancar, Serokê Partiya Azadî Ayetullah Aşiti, Serokê Partiya Mirov û Azadî (PIA) Mehmet Kamaç, Serokê Partiya Komunîst a Kurdistanê Sînan Çiftyurek, Serokê Partiya Sosyalîst a Kurdistanê (PSK) Bayram Bozyel û ji Komeleya Şoreşger, Demokrat a Kurd Abdulhey Okumuş beşdar bibin.
Ev hevpeymaniya xapandina milletê Kurd û entegrey Kurdan çepên Tirk re ye. Ji xwe partiyên ku di vê hevpeymaniyê de cih digrin piranî girêdayê PKKê ne û li gora siyaseta PKKê tevdigerin. Kongreya Civaka Demokratik (DTK) , Partiya Herêmên Demokratîk (DBP), Partiya Çep a Kesk, Partiya Demokratîk a Gelan (HDP) ev hemû girêdayên PKKê ne.
Partiya Azadî , Partiya Mirov û Azadî (PIA) , Serokê Partiya Komunîst a Kurdistanê , Partiya Sosyalîst a Kurdistanê (PSK) Bayram Komeleya Şoreşger, Demokrat a Kurd . Ji bilî PSKê ev partiyên din ji xwe li gel HDPê di nava hevkariyekî debûn. Niha PSK jî tevlî vî karwanî bû. Bi vê helwestê PSKê berê xwe ji xeta netewî Kurdistanî veguhazt û ala evinidariya ketina parlementoyê bilind kir.
Balkêşe ku navê Partiya Demokrat a Kurdistana Bakur(Beşa Sertac Bucak) û navê PDKT di vê hevpeymaniyê de derbas nabe. Dixweyê PKKê karê xwe bi wan qedandiye…
