Grûpa Berxwedana Îslamî li Iraqê bi dronekê baregeheke Hevpeymaniya Navdewletî li Rojavayê Kurdistanê kirin armanc.
Grûpa Berxwedana Îslamî li Iraqê îro 7ê Çileyê di daxuyaniyekê de ragihand, wan bi dronekê êrîşî baregeheke Qesrikê ya Hevpeymaniya Navdewletî li parêzgeha Hesekê kirine û êrîş jî gihîştiye armanca xwe.
Ji aliyê xwe ve, Rewangeha Sûrî ya Mafên Mirovan got, sîstema berevaniya asmanî ya Hevpeymaniya Navdewletî kariye wê dronê berî ku bigihe armanca xwe bixînin xwarê.
Ji piştî şerê di navbera Îsraîl û Hemasê de di 7ê Cotmeha 2013an ve, êrîşên li ser baregehên leşkerî yên Amerîka û Hevpeymaniya Navdewletî, li Sûriye û Iraqê zêde bûne.
Ji 19ê Cotmeha 2023an ve, grûpên çekdaran 79 caran baregehên Amerîkî û Hevpeymanan li Rojavayê Kurdistanê û rojhilatê Sûriyê kirine armanc.
Li hember vê yekê, Amerîka çendîn caran milîsên alîgirên Îranê li Iraq û Sûriyeyê bombebaran kirine. Herî dawî jî roja 4ê vê mehê baregeha Tevgera Nûceba ya ser bi Heşda Şeibî ve hat armanckirin û di encamê de 3 serkirde hatin kuştin û hejmarek jî birîndar bûn.
