Polîsa Brîtanyayê ragihand, wan şeş endamên Partiya Karkerên Kurdistanê (PKK) ya qedexekirî girtine.
Polîsa Brîtanyayê ji ajansa “Reuters” re ragihand, 6 kes bi tometa endamtiya PKKê girtin. Kesên hatine girtine, 4 mêr û 2 jin in, ku temenê wan di navbera 23 û 62 saliyê de ne.
Berpirsa Karûbarên Fermandariya Polîsan Helen Flanagan wiha got: “Piştî ku me piştrast kir ku ev kes endamên PKKê ne, me ew desteser kirin.”
Da zanîn jî: “Ev operasyon piştî lêpirsîn û operasyoneke mezin li ser çalakiyên ku bi baweriya me girêdayî PKKê ya terorîst in, hat kirin.”
Polîsê Brîtanî got, ew lêgerînan li 8 avahiyên li seranserê Londonê dikin, di nav de Navenda Civaka Kurd a li bakurê Londonê heye, ku eger e heta du hefteyan were girtin.
