Bavê Cengo
Kesî ji we bratîya gur û mîhê dîtiye? Na. Kesî ji we bratîya mişk û pisîkê dîtiye? Na. Kesî ji we bratîya hirç û hirmîyê dîtiye? Na. Kesî ji we bratîya kew û nêçîrvan dîtiye? Na. Lê Kurd bibin brayê her kesî. Kurd ji barîya hev zêdetir dibin brayên dagîrkerên xwe, dibin brayên celadên xwe.
Bratîya gelan, bratîya ummetê, bratîya Kurd û Ereb, Tirk û Farisan ji zû de têk çûye. Lê çi hikmet be hinek alî bi darê zorê dixwazin Kurdan wek bra bi dagîrkerên xwe ve pîne bikin û bizeliqînin. Ji bo Kurdan ji hest û hişmendîya netewî dûr bixin, bratîya gelan û bratîya ummetê wek çek û sîlehek mezin bi kar tînin. Û hinek Kurdên me jî bi zanîn, bi plan û projeyên dewletê berê Kurdan didin bratîya gel û ummetê û wan ji hest û hişmendîya netewî dûr dixin. Bratîya ku Kurdan heta îro ji dijminatîyê pê ve tu xêr jê nedîtiye, wek toqa naletê ketiye (xistine) stuyê me û me pê di xew re dibin.
Axir…
Hêzên Sûrîreya Demokratîk HSD (ev gotina demokratîk jî toqek ji toqên naletê ye) a ku piranîya hêz û bingeha wê Kurd in, bi xêra Amerîkayê bû hêzek mezin û destkeftîyek baş xist destên xwe. Lê siyaseta bratîya gelan ew ji armanca wê dûr xist. Li şûna destkeftinên netewî û tifaqa Kurdan, bratîya gelan (Ereban) û berjewendîyên yekpareyîya Sûrîyê ji xwe re kirin qûş û armanc. Lê di vî şerê dawî de qûna reş û spî eşkere bû û derket hole ku bratîya gelan xewn e, çîrok e, dek û dolab e, xefik û lîztik e.
Di şerê Mimbic û Dêrezorê de gelek leşkirên Ereb (ên di nava HSD de) xincerek li pişta Kurdên (HSD) xistin, ji HSD cuda bûn û ketin nav refê terorîstên HTŞ. Erebên qûnreş û bêderpî dîsa bêbextîya xwe nîşan dan û bi zelalî eşkere kirin ku bratîya Kurd û Ereban xeyal e, çîrok e û herkes kurê bavê xwe ye.
Werhasilî kelam, berî hezar salî em Kurd çi xwelîser bûn, îro jî em ew xwelîser in. Doh bav û kalên me xulamtîya xelkê dikirin, îro jî em dikin.
Ê de ya bi xêr…
Dibêjiin heger ne ji ehmeqan be serdest nikarin jîyana xwe bidomînin. Ê me jî ev mesele ye. Heger ne ji Kurdan ba, ne ji wan be, dagîrkerên me nikarin jîyana xwe bidomînin. Ji ber kurtanên kerên wan em in.
Qamişlo
