52 kesayetiyên kurdên dewletxwaz bangî PYD’ê û ENKS’ê dikin
52 kesayetiyên kurdên dewletxwaz bi daxuyaniyeke hevbeş bang li PYD’ê û ENKS’ê dikin di zûtirîn dem de bên ba hev û yekîtiyê pêk bînin daku bikarbin mafên milî yên kurdan di Sûriyeya nû de misoger bikin, her wiha daxwazê ji cenabê serok Mesûd Barzanî jî dikin ku; bila careka din însîyatîfekê bike û her du aliyan li hev bicivîne.
Banga van 52 kesayetiyên dewletxwaz bi vî awa ye:
BANG Ji PYD Û ENKS ê re.
Em wek kesayetîyên kurdên dewletxwaz, piştgirê xebat û têkoşîna milletê kurd ji bo wergirtina mafên neteweyî bangî her du alîyên sîyasî yên Rojavayê Kurdistanê PYD û ENKS ê dikin ku;
Piştî rûxandina rejima Baas, tevlihevîya îro ya li Sûrîyeyê berdewame. Li alîyekê nakokîyên di navbêna dewletên misilman (şîî û sunnî), li alîyeke din tirs û helwesta dewleta Tirkîyêyê ya li hember pirsa Kurdistanê û li alîyeke din jî hebûna DYA li gel Îsraîl û Fransa li Sûrîyeyê derfeteke zêrîn hatîye ber destê kurdên me yên Rojavayê Kurdistanê.
Em pêwistîyeke girîng dibînin ku, divê hemû rêxistinên sîyasî yên Rojavayê Kurdistanê rojek berîya rojekê werin ba hev û bi yek helwestê bibine xwedîyê Armanceke Hevbeş ku têde wergirtina Mafên Neteweyî yê milletê kurd ciheke taybet bigre. Herweha ev xal divê xeta sor ya bi munaqeşekirina terefên din yê Sûrîyeyê be!
Gava kurd di navxwe de li ser şandeyekê lihev bikin, berîya çûndina Şamê an jî rûniştina bi Tahrir El-Şam, divê ew bi şêwirmendîya DYA-Fransa-Îsraîl ve wê hevdîtinê bikin.
Divê em li ser maseyên dîplomasîyê de xwedî Helewestek Neteweyî bin û loma jî em bangî berpirsên PYD û ENKS dikin ku, bila her du alî dest ji ”kes û hêzên derve” berdin û têkilîyên xwe yên bi dewletên derdorê; ji bo berjewendîyên milletê Kurd bi kar bînin. Vê agahdarîyê bi daxuyanîyekê, Raya Giştî agahdar bikin. Ev daxuyanî hem bawerîyê dide her du alîyan û hem jî dide zirdewletên ku piştgirîya kurdan dike.
Nûnerên kurda bi vê bawerîyê û bi vê helwesta hevbeş, dikarin xwe ji bo rûniştin û bazarkirinê amade bikin. Misogerkirina çareserîya Rojavayê Kurdistanê divê di bin çavdêrîya DYA, Fransa, Îsraîl û Urdunê de be.
Bi vê BANGê em ji cenabê kek Mesûd Barzanî jî dikin ku; bila careka din însîyatîfekê bigre û her du alîyan di maseyekê de bicivîne. Bi vê LİHEVKİRİNÊ û bi vê HELWESTA NETEWEYÎ ewê milletê Kurd li Rojava bibin xwedîyê destkeftîyên girîng!
Em YEK millet in, zimanê me KURDÎ ye û nave welatê me KURDİSTAN e. Werin vê BANG a me bi cih bînin!
Aziz Aliş – Mamoste, Sîyasetmedar
Yaşar Karadogan – Nivîskar
Îbrahîm Guçlu – Parêzer, Sîyasetmedar
Şahin Welî – Nivîskar
Ömer Özmen – Nivîskar, Sîyasetmedar
Ali Öncü – Çalakvanê Sendîqayê
Necdet Gündem – Mamoste, wergêr
Seîd Weroj – Nivîskar
Fahriye Adsay – Mamoste, nivîskar
Abdulbari Han – Kevne şaredarê Gımgım (Vartoyê)
Mehmet Sanri – Rojnamevan
Seyran Duran – Seroka Yekîtîya Jinên Kurdistan
Halit Temli – Nivîskar
Berzan Koçkaya – Serokê Fed.Kom.Kurdistan li Swêd
Lutfi Baksî – Siyasetmedar
İhsan Aydin – Mamoste
Kenan Fani Doğan – Nivîskar
Mustafa Kiliç – Rewşenbîr
Dîyar Alis – Sosionom
Narîn Sipkî – Parêzer, aborînas
Mehdî Zana – Siyasetmedar, Kevne şaredarê Dîyarbekirê
Nahid Hoseini – Helbestvan
Cano Amedî – Sîyasetmedar
Rodi İlgen – Aborînas, Sîyasetmedar
Mohammed Mûrad – Helbestvan
Varoj Têlo – Nivîskar, wergêr
Ibrahim Hoseyni – Endezîyar
Mahmut Fevzi Firat – Sîyasetmedar
Yusuf Ziya Döger – Akademîyen, Nivîskar
Dersim Tekeş – Mamoste
Mistefa Ali – Çalakvan
Metin Esen – Nivîskar
Can Azbay – Sîyasetmedar
Nezihe Karahan – Karmend
Vahit Aba – Sîyasetmedar
Ali Yilmaz – Karsaz
Yusuf Aydin – Mamoste
Hanifi Turan– Sîyasetmedar
Osman Karavil – Sîyasetmedar, Karsaz
Nurullah Timur – Sîyasetmedar
Abdullah Polat – Mamoste
Kasim Kiliçkap _ Karsaz
Osman Kiran – Xanenişîn
Aziz Akgülül – Karsaz
Zeynel Abidîn Zinar – Nivîskar
Husnu Onuk– Sîyasetmedar
Talip Sana – Sîyasetmedar
İsmail Edis – Sîyasetmedar
Musa Ekingen – Sîyasetmedar
İsmail Ay – Sîyasetmedar
Hamdullah Akyol – Sîyasetmedar
Mehmet Ermiş – Sîyasetmedar
