Wezareta Navxwe ya Sûriyeyê da xuyakirin ku, li gel HSDê ji bo herdu taxên Kurda li Helebê li hevkirine. Taxên Kurdî yên Eşrefiye û Şêx Meqsûdê li parêzgeha Helebê e û eve demek bû ji aliyê hêzên Sûriye ve hatibûn dorpêçkirin.
Wezareta Navxwe ya Sûriyeyê dibêje: “Li gora lihevhatinê , hêzên Kurdî ji her du taxên Eşrefiye û Şêx Meqsûdê xwe vedikişînin.” Herwesa her du alî li ser parastina dezgehên sivîl li wan her du taxan û azadkirina tevaya desteserkiriyan li hev kir.
Her li gor wê ragehandina Wezareta Navxwe ya Sûriyeyê, HSD û Şam li ser hêsankariyên hatin û çûnê di navbera her du taxên Kurdî û deverên bakurê rojhilata wî welatî de li hev kir.
Ev pêngav jî piştî derbazbûna nêzî mehekê ji îmzakirina lihevkirinekê di navbera Fermandarê Giştî yê Hêzên Sûriyeya Demokratîk (HSD) Mezlûm Ebdî û Serokê Sûriyeyê yê demkî Ehmed Şera de ji bo têkelkirina hêzên Kurdî di nav artêşa nû ya Sûriyeyê de tê.
