Cejna Newroza 2026 an çi ji me re got?
Newroza 2026 an li Kurdistanê û gelek deverên cîhanê hate pîrozkirin. Gelên din ên Rojhilata Navîn jî cejna Newrozê wekî hatina biharê pîroz dikin. Lê em Kurd ne wekî cejneke gelan, lê wekî cejneke neteweyî û millî ya Kurd pîroz dikin. Ji bo Kurdan, Newroz sembola serhildana li dijî zilm û zordarîyê ye. Ji bo Kurdan, Newroz cejneke neteweyî ye ku wekî gel dibêjin, “Em tune nebûn, em hene, em serê xwe natewînin.”
Newroza 2026 an ji hemû salên berê cuda bû. Di vê Newrozê de, dengê lingên nifşekî neteweyî û ciwan li Kurdistanê pir bi hêz hat bihîstin. Û rastî ev e ku dema li meydanên Newrozê dinêrin, du xetên cuda li Kurdistanê bi zelalî dîyar bûn. Xeta yekem xeta Ocalan û PKK ê bû. Ev nêzîkatî, bi salan e, hema hema li Ewropa û Bakurê Kurdistanê Newrozê manîpule kiriye, wê ji cejneke neteweyî veguherandiye propagandayeke îdeolojîk û cejna partiyê, nemaze ji salên 2000 an vir ve, naverpok kirine azadiya Ocalan.
PKK ê îsal jî di dema newrozê de heman rêbaz berdewam kir. Peyam ji saet 11 ê sibê heta 3 ê piştî nîvro hatin xwendin. Lêbelê, pîrozbahiya newrozê ya li Amed ji salên berê lewaztir bû. Girseyê hema hema wêneyê Ocalan ranekir. Û tevî hemû astengiyan, ala Kurdistanê ne tenê li Amed, di heman demê de li Stenbol û deverên din jî hatin hildan.
Baştirîn rê ji bo fêmkirina newroz a PKK ê bi rêya peyama Ocalan a îsal bû. Peyama Ocalan a 1100 peyvan pêk dihat de azadiya jinan û Peymana Westfalya ya 648 an hebû. Lêbelê, tenê peyvên “Kurd û “Kurdistan” di peyamê de nebûn. Ocalan newrozê wekî pîrozbahiyek ji bo damezrandina Komunîzmê pênasekir. Ocalan newroz bêyî Kurd û Kurdistan pênasekir, mîna kolonyalîstan nirxand.
Û bi salan, ji ber ku alternatîfek din tunebû, mirovên ku ber bi qada newrozê ve diçûn wekî sempatîzanên PKK ê dihatin hesibandin. Vê newrozê nîşan da ku ev ne wisa ye.
Û xetek duyemîn a newrozê li Kurdistanê hebû. Ev xet xetekî Kurdistanî bû.
Pîrozbahiya newrozê ji hêla Tevgera Vejîn ve li ser Pira Malabadî bi meşale û ala Kurdistanê pêngavek piçûk bû lê pir bi wate û bandor bû. Pîrozbahiya bi heybet a newrozê ya Bonnê, ku ji hêla Konfederasyona Dîasporaya Kurd RewendaKurdî ve hatî organîzekirin, mînakek mezin a newrozên Kurdistanî bû. Li Bakurê Kurdistanê, tevî ambargoya ku bi salan ji aliyê dewlet û PKK ê ve hatiye ferzkirin, Kurd li her derê bi ala Ala Rengîn çûn qada Newrozê.
Peyama Serok Barzani ji bo pîrozbahiya Newroza Bonnê, bi awayekî, manîfestoyek Kurdistanî bû. Serok Barzanî bi eşkereyî “Newroz weke Cejna Millî-Neteweyî” bi nav kir û ew wekî nexşerêyek ji bo her çar beşên Kurdistanê pênasekir.
Yanî, li Kurdistanê, du pîrozbahiyên cuda yên Newrozê hebûn: Newroza Ocalan, ku ji nasnameya Kurd û nirxên Kurdistanî dûr xwe weke cejna Komunalîzmê hat lidarxistin. Newroza ji aliyê Serok Barzanî hatî pîrozkirin bi ala rengîn û srûdên Kurdistanî dihat birêvebirin. Newroz cejna millî a Kurdistanê ye. Eşkere ye ku Newroza Kurdî dê her sal hîn mezintir bê pîroz kirin.
