Şaxa Partiya Ebdulla «PKK’ê» li Kurdistana Sûriyê – «5»

pyd-pkk-rojava-5

 Mahir Hesen

Hûn dizanin kê nûçeya li ser cihê Ebdullah Ocelan gihande Tirkan, mebesta min ka kê cihê Ebdullah Ocelan û wêneyê wî yê li ber mala wî li Şamê ji dewleta Tirkiyeyê re şandin.

Bersiv bi kurtî: Ew General Elî Doba ye, serokê Îstixbarata Sûrîya bû di dema Hafiz El-Assad de

Ka em bi hevre li çîroka General Elî Doba û Hafiz Assad û Ocelan guhdar bikin.

Ji bo ravekirina rewşa vê çîrokê, em vegerin payîza 1998an, Dema ku bijîjkên pispor bi Hafiz el-Esed re civîyan, di nav wan de jî Fewaz El-Exres, bavê Esma hevjina Beşar El Assad jî hebû, bijîjkan bi aşkere jê re gotin ku tu bandora derman edî li nexweşiya wî tune ye, û bila bi vê rastiyê razî bibe ku rewşa wî êdî metirsiyê de ye, û ew ê herî zêde di nav salekê de bimire

Piştî çend rojan, nûçe di nav Elewiyan de belav bû, û wan dest bi berhevkirina çekên sivik û navîn, bombe û cebilxaneyan li malên xwe, li Şamê, Humsê, Helebê… û li hemû bajarên xwe kirin.

Karbidestan dest bi talankirina pereyên giştî kirin. Di nav de çîroka Wezîrê bi navê Mufîd Ebdulkerîm, yê ku 300 milyon dolar ji operasiyona firokeyên (navdar) yên Kuwait ê dizî bûn heye, Piştre di vê dozê de, ew bi 3 meh zîndan kirinê hat cezakirin. General Elî Doba jî dest bi dizî û xapandina kir, ew diçû mal û milkên cihûyan li Heleb û Şamê li pismamên xwe yên ji malbata Doba belavkirin.

Wî herwiha wê demê, bi hevkariya serokwezîr (Mehmûd El-Zûbî), gelek operasyonên gendelîyê ku bûn sedema talankirina pereyên giştî pêk anîn.

Elî Doba nûçeyên cihbûna Ebdullah Ocelan li Şamê eşkere kir, ew zanyarî firoşt dewleta Tirkan. Di wê demê de Hafiz el-Assad bi nexweşiyeke giran bû, lê dîsa ew hat agahdar kirin ku Ocelan wê ji destê wî biçe.

Hafiz el-Esed li gor serpêhatiya xwe dizanî kî li pişt vê yekê ye, lewra fermana dûrxistina General Elî Doba ji posta wî derxist.

Her wiha hemû xizmên wî yên ji malbata Doba ji cihên hestiyar ên ku tê de kar dikirin derxistin. Wek serokê şaxê ewlekariya tawanan li Hisiçayê, û cîgirê rêveberê taqîgehên berevaniyê li el-Safira…hwd.

Piştî wê jî Hafiz Esed ji Elî Duba re şand û jê pirsî: Te çiqas pere ji bo wan wêneyên Ebdullah Ocelan ji dewleta Tirkî standiye????

Ne Elî Doba û ne jî kesekî din ji karbidestên rejîmê diwêrin ku derewan li Hafiz Esed bikin!

 Ji ber vê yekê, wî bersiv da:

 Min du milyon û nîv dolar stand, Hafiz Assad bersiv da: Te sûd ji nexweşiya min a giran girt, ne wisa?

 Elî Doba got: lingê te maç bikim, min bibore birêz.

Hafiz Assad got: Tu (bûyî, û dê bimînî) kerê min!!

 Guh bide min ey ker!

Mirovekî wek Ebdullah Ocelan bihayê wî ne du milyon dolar in û nayê firotin, Lê nefsa weya rezîl ew bi erzanî firot!!

Ev Gotar bi taybet bo Darka Mazi ye

Bi Wêne : Elî Doba

Şaxê Partiya Ebdullah (PKK) li Kurdistana Sûrî- beşa caryemîn

Pustên heman beş