Îro 01.02.2024ê ajansa Reutersê ragehand ku Îranê biryar daye hejmara berpirsên xwe yên li Sûriyê kêm bike û di çarçoveya wê biryarê de jî Sipaha Pasdarên Îranê hejmarek ji fermandar û şêwirmendên xwe yên leşkerî li Sûriyê vekêşandiye.
Hêjayî gotinê ye ew biryara Îranê di demekî wisa de ye ku di wan demên dawiyê de Îsraîlê bi mûşek û balefirên şer êrîşî şêwirmend û fermandarên payebilindên Sipaha Pasdaran kir û di çend operasyonan de gelek şêwirmend û fermandarên payebilindên Sipaha Pasdaran kuştin.
Li gor çavdêran, ev yek tirs û vekêşîna zêde ya Îranê ye ji vî şerî û hewar hewara desthilatdarên Îranê ya li dijî Îsraîlê dikirin û di cîha bersiva bombebarana Îsraîlê bidin de fermandarên pasdaran ên li Sûriyê vedikşînin, nîşaneya zêde ya tirsa ji wî şerî ye.
