Ya ruhin û eşkereye ku di reftarên PKK ê da dagîrkerî û talan kirin heye, PKK e dixwaze li her cîhekê be, lê belî yekem car hewl dide rêxistinên Kurdî li wî derê nehêle, piştre wê derê têxe jêr kontirola xwe, ev yek bi zelalî li Şengalê diyar bû, wexta hewla derkirina PDK ê day lê bi tu awayekî ev hewl li dijî dewleta dagîrkera Îraqê neda.
Li Rojava Kurdistanê, her hemû part û rêxistinîn nêzî PDK ê û hêza wê ya leşkirî bi navê “Roj” bê molet hiştine, lê belê bi dehan rêxistinên çep yên Tirkiyê anîne Rojava û kampên leşkirî ji bo wan ava kirine, li Bakurê Kurdistanê rê nade yek rêxistin yan tevger yan partîyeke Kurdî mezin bibe û çalakiyên xwe li gorî siyaseta xwe bidomîne, lê belê li bajarê Dêrsimê bizaveke çep ya Tirkiyê bi moleta PKK ê cî girtîye.
Bûyera Kêleşînê û veşartina îxanetê
Wexta Gerîla gehşitîne cem Pêşmergey, Pêşmergehan got ev mêhvanên mene hatîn, lê belê Gerîlayan sîlah kişand û Pêşmerge desteser kirin
Li Rojhilata Kurdistanê rêxistina PKK ê li sala 2016an de li navçeya Kêleşînê ya di navbera Başûr û Rojhilat de, molet neda PDK a Îranê lê cî bigire û dû Pêşmergeyên wan şehîd kirin, piştre li şûna ku daxwaza lêburînê ji gelê Kurd û malbatên Pêşmergeyên şehîd ketî bikin, ev bûyer weke pîlana dewletên dagîrker da zanîn her wiha çendîn probagindayên dûr ji rastiyê li dijî wan belav kirin, medyaya ku romala wê bûyera dil bi êş jî kirîn, bi medya dije Kurd bi nav kirin.
Helbet ya ruhin û eşkere ye ku amanc ji vê hengava PKK ê peçinîna wê îxanetê bûye ku wan li gelê Kurd kirî, wexta ku li meha gulana sala 2001an, li navçeya Xinêre 15 endamên rêkxistina “Agirê Sor” ku “Mihemed Pêncwînî” jî di nav wan de bû, bi peymaneke jêr bi jêr radestî Îtêlata Îranê kirin, rêxistina “Agirê Sor” li dijî Îranê tev digerîya, li vê demê Cemîl Bayîk li kampa Xinêre ya PKK ê dima, Cemîl Bayîk telîmat dan ku ew Pêşmerge werin desteser kirin, dema çekdarên PKK ê ber bi kampa Pêşmergeyên “Agirê Sor” çûyn, Pêşmergeyan bi hevdû digo “Ev mêhvanin mene hatî”, lê belê çekdarên PKK ê sîlah kişand û her hemû ku hejmara wan 15 kes bûn 2 jin û 13 zilam desteser kirin.
Çekdarên PKK ê 15 Pêşmergeyên Agirê Sor, çav, dest û lingên wan girêdan û radestî Îranê kirin
Di heman rojê de 2 balefirên kopter yên rejîma Îranê ku karbidestên dezgehê îstîxbaratî “Îtêlat” têde bûn, hatin kampa PKK ê ya li Xinêre.
Piştre her 15 Pêşmerge ji hêla PKK ê ve çav, dest û lingên wan hatin girêdan û ji bo nêzîktirîn nuqteya pasewanên sînorî yên Îranê hatin veguhestin.
Mhemed Pêncwînî yek ji wan kesan bû ku piştî hatîye desteser kirin, ji bo Îranê hat veguhastin û li bajarê Ormiyê hat darvekirin, lê tu agahîyek li derbarê rêhevalên wî yên Pêşmerge ku bi destê PKK ê hatine desteser kirin nîne.
Peymana digel rejîma Sedam û radest kirina 6 Pêşmergehên Başûr
Li naverasta meha adara sala 1989an, rêxistina PKK ê ku digel hikûmeta Îraqê de peymanek çêkiribû, wan li sînorê Bakur û Başûrê Kurdistanê cînayeteke din ya qirêj di rasta gelê Başûr û Pêşmergeyên wan de kir.
Her yêk ji Pêşmergeyên bi navê:
Ehmed Kadir.
Sedulla Avdel.
Nizar Mihemed.
Mihemed Hemdî.
Nizmî Wermêlî.
Xalid Wermêlî.
Li wexta ku wan serê xwe di şûştin, çekdarên PKK ê zêrevanîya wan dikir, piştre ev 6 Pêşmerge wunda dibin, hîna niha jî nezelale kanê PKK ê ew şehîd kirine yan radestî hikûmeta Îraqê kirine.
[/vc_column_text][/vc_column][/vc_row]
Li vir diyar dibe ku hertim PKK ê hesasiyeta dewletên dagîrker li ber çavan digre, lê belê tu demekê hesasiyeta tevgerên rizgarîxwaz yên Kurdistanî li ber çavan nagire, bi eva me bas kirî xweya dibe ku li cem PKK ê peyva djiminên Kurdistanî “Tirkiye, Îran, Îraq, Sûrya” tu watayeka xwe nîne, belku djiminên Kurdistanê bi tenê part û rêxistinên Kurdî ne, ji ber ku PKK e ya Îranê heye û li djî partiyên Kurdî yên Rojhilat dixebte, PKK e ya Tirkiyê heye û welatparêzên rasteqîne li Bakurê Kurdistanê tasfîye dike, PKK eyeke Rûsî û yeka din ya Îraqî jî heye.
Ocalan Bakurê Kurdistanê di wî Agirî de hişt û bazda Sûriyê
PKK e hertim PDK ê sûçdar dike ku gelê Başûr naparêze, ev rêxistin wusa difkire ku gel ji hêla wê ve tê parastin, ya rast ev siyaseta ku PKK e bikartîne dibe sedem ku dewletên djimin êrîşî Kurdan bikin, mînak rêxistina PKK ê di navbera sala 1977 ta 1978an de bajarê Kurdan ê ji hemûyan mezintir kir senterê nearamiyê li Tirkiyê, ev yek bû sedem ku bibe rêxweşker ji bo derbeya 12 îlonê.
Li wê demê Tirkye bi xwe di çendîn giriftan de bû û li firsetekê di gerîya ji bo ku deverên Kurdan ji her tevger û çalakîyeke Kurdî ramale û PKK ê ev firset li ser sênîyeke zêrîn bi Tirkan re bexşî, yên ku dikarîn li hember Tirkan li ber xwe bidin bi vê derbeyê hatin lawaz kirin ku ev yek ji amancên sereke yên PKK ê bû, ji ber vê yekê bi hezaran xwêndkarên Kurd ji zanîngehan hatin derxistin û bi sedan welatparêz hatin kuştin û bi hezaran kes ji hêla dewleta Tirk ve hatin desteser kirin, li vê demê Ocalan bêy haydar kirina kadiroyên xwe, heta bêy haydar kirina hevjîna xwe, derbasî Sûryayê dibe, Bakur di wî Agirî de hişt û baz da, her weke tu alozî û pirsgirêk li wê perçeya welat nebe!.
Mezintrîn rêjeya asmîlebûna Kurdan li wan navçeyan çêbûye ku PKK e têde bihêz bû
Xweya ye ku pêş salên heştîyan ji çaxa rabûrî, navçeyên ku PKK e têde herî bi hêz ev bûn “Dîlok, Ruha, Semsûr, Xarpitê, Maraş û Malatya” lê belê ger niha li van navçeyan binerîn wê bibînîn ku ta astekî herî mezin Kurdayetî li van navçeyan hatîye ji bîr kirin û Kurdên van navçeyan di nav Tirkan de asmîle bûne, li vir pirsek gewherî serhildide, gelu çima PKK e li van navçeyan bi hêz bû lê belê şêniyên wan yê, Kurd di nava Tirkan de asmîle bûne?!.
PKK e di tu demekê de weke tevgereke Kurdî ya rizgarîxwaza Kurdistanê tev negeryaye, belku herî zêde weke tevgereke çep ya Tirk tev geryaye, mînaka herî bihêz li ser vê axaftinê dibe ew asmîlebûna Kurdan ya di nav Tirkiyê de be.
PKK ê dîroka xwe ya qirêj bi vî away nivîsand
PKK e bawerîyeke wusa ji bo gelê Kurd ava dike ku nasyonalîst bûn zirareke herî mezine û bi vê yekê gelê Kurd ji Kurdayetiyê dûr dike, PKK ê îro li her çar perçeyên Kurdistanê zimanê Tirkî weke zimaneke xweş û pir biha bi gelê Kurd re daye nasandin û hewl dide Kurdan bêxe hembêza Tirkan de, bo mînak piranya wan Kurdên paş 30 salan koç kirîne Ewropayê, niha bi zimanê Tirkî dipeyivin û Kurdî ji bîr kirine, paş salên notan jî rêjeya herî zor ya asmîlebûna Kurdan li Bakurê Kurdistanê çêbûye, bi taybetî di wan navçeyên PKK e têda bi hêz, PKK ê li şûna li vê siyaseta xwe ya şaş vegere tê û PDK ê bi wê yekê sûçdar dike ku têkilîya wê digel Tirkiyê bûye sedema sereke ya vê asmîlebûna Kurdan di hundirê Tirkiyê de.
Bi kurtî em dikarn bbêjîn ku bakurê Kurdistanê ropeleke sipî bû û dîrokeke herî paqij hebû, lê belê PKK ê bi tasfîye kirina rêxistin, part û tevgerên Kurdî yên welatparêz, dîroka xwe ya qirêj li ser vê ropela sipî nivîsand.
