Kî sedema siyaseta qirkirina Kurdane?

28/04/2021
in Nerîn
Kî sedema siyaseta qirkirina Kurdane?

  • Beşa-1

    Carna bêhişî li ser mirovî zal dibe, ango tişta ku mirov naxwaze bibêje tê gotin û ji devê mirovî derdikeve.

    Yêk ji rêvebrên Partîya Karkerên Kurdistanê yê bi navê Mistefa Karasu li roja sêşemî 27/4/2021an di medyaya rêxistinê de, go ku li Îmraliyê siyaseta qirkirin û ji nav birina Kurdan tê meşandin.

    Ev axaftin heqîqete, lê ne li gorî şîrovekirina Karasu, belku li gorî têgeha îstixbaratî û encama 20 salên ku ji hêla Partîya Karkerên Kurdistanê hatine encam dayîn û encam dayîna wan kiryara heqîqeta gotina Karasu tê diyar kirin.

    Berî Abdula Ocalan serokê Partîya Karkerên Kurdistanê were desteser kirin, silogana vê partiyê serxwebûna Kurdistanê bû û paş ku hatîye desteser kirin, ev silogan hat guherandin bi mîla 180 pile û bû Biratîya Gelan.

    Ev guherîna sitratejîk ji hêla Ocalan bû sedema qir kirina Kurdan li hemû perçeyên welat û bi teybet li Bakur û Rojhilata Kurdistanê, niha jî hewl tên dayîn ku li Başûr jî encam bidin.

    Girîngitirîn kiryarên PKKê yên ku bûne sedem Kurd ber bi qir kirinê biçin:

  1. Sedema kuştina dû polîsên Tirk bi destê PKKê û êtîrafa rêxistinê bi vê yêkê di ragihandina xwe de, piranîya saziyên çand û hunerê li Bakur hatin qepat kirin.

  2. Sedema encam dayîna şerê kolan bi kolan li hinek bajarên Bakur, ew bajar hemû hatin xera kirin û bi hezaran koçberî û xera kirina wan bajaran û hejarî gihîşt gopîtkê.

  3. Bi sedema têkilîya eşkere di nêvbera baskê leşkerî û şaredarên Bakur ku di destê Kurdan de bûn, bûne sedem ku piranîya şaredarîyan werin daxistin û sîstemê Qeyûm cih girt.

  4. Bi sedema feriz kirina wêneyên Ocalan û siloganên diyar li ser girseyên li Bakur û nebûna têgeha rêkxistina nihênî û encam dayîna civînên eşkere li nav bajaran de, bûn sedem ku îro bi hezaran Kurd perwer û parliminter û şaredar di zîndanan de ne.

  5. Bi sedema avêtina hinek guleyên dawetîya li Bakur ji hêla PKKê ve, li nêzî hinek gund û bajarain, bûne sedem ku pranîya bajarên Bakur li gorî sîstema leşkerî werin îdare kirin.

  6. Bi sedema herifandina pêvajoya demokrasî di dawî kongireya PKKê de û teybet paş desteser kirina Abdula Ocalan, di dawî kongire de hinek biryar hatin girtin û pejirandin, paş çend rojan bi yêk ferman ji hêla Abdula Ocalan bo rêvebirîya PKKê, biryarên kongirey hemû hatin tetîl kirin.

Bi hilweşandina biryarên kongirey û bi cî kirina biryarên ji Îmraliyê hatîn şandin, bûne sedem ku Rêvebirîya PKKê dabeşî çend cemseran bibe:

  1. Cemserk veqetî û beşek jê hatin teror kirin ji hêla cemserên din û beşek jî karîn bi revin û xwe qurtal bikin.

  2. Cemserk ket jêr bandora pasdarên Îranê.

  3. Cemserek ket jêr bandora îstixbarata Tirkiyê.

  4. Cemserek ket jêr bandora Heşda Şabî li Îraqê.

  5. Cemserek bê deng ma û tenê xwe parast.

Wate encam PKKe bê serkirdatî ma û bûne leyistoka Şetrincê û Gerîla bûne qurbaniyên wê Şetrincê û rojane canê xwe feda dikin û dûr ji armancên wan yên pîroz.

Ji bo xwendina beşa 2 kilîk bike

Ji bo xwendina beşa 3 kilîk bike

Tags:

Pustên heman beş