Rêveberiya Deriyê Sînorî yê Pêşabûr ragihand ku roja Çarşemê rê dide vegera wan kesên ku bi fermî ji Herêma Kurdistanê çûne Rojavayê Kurdistanê û kesên hilgirên îqame û paseportên biyanî.
Rêveberiya Deriyê Sînorî yê Pêşabûr daxuyaniyek ji bo kesên ku li Rojavayê Kurdistanê asê mane da.
Rêveberiya Deriyê Sînorî yê Pêşabûr di daxuyaniya xwe de derbarê vegera kesên ku li Rojavayê Kurdistanê asê mane ragihand, roja Çarşemê 19ê Çileya 2022yan bo vegera kesên asê mane hatiye diyarkirin ku ji demjimêr 9.00 sibehê heta 16.00ê ew kes dikarin bi rêya Deriyê Sînorî yê El-WElîd vegerin Herêma Kurdistanê.
Deriyê Sêmalka-Pêşabûrê ji sala 2013an ve rêyeke sereke û girîng e di navbera Başûr û Rojavayê Kurdistanê de, lê ji 15ê Çileya 2021an ve, ew derî hatiye girtin. Sedema girtina derî jî, êrîşa grûpa bi navê Ciwanên Şoreşger û hejmareke kesên din li aliyê Rojavayê Kurdistanê bo ser wî derî bûye.
