بادینی سۆرانی kurmancî عربي Türkçe فارسی

darka mazi

Joined: 01/09/2019
Articles: 11139

Kurdistan

PKK êrîşên Tirkiyê nêzî gund û bajaran dike

darka mazi
21/06/2020

Kurdistan

Heger direwên PKKê rast bin, pêwîste Kurd bi êrîşên Tirkiyê kêfxweş bin!

Armanca PKKê ji van direwan çiye? Her wek di berê de me amaje pê dayî ku PKK bi encam dayîna karek wiha, dixwaze bibe avkêşa aşê şerê dujmin, heger em ropelên girêdayî PKKê di soşyal medyayê de bi şopînin, dê wê rastiyê bînîn ku PKKê bi yek riste jî weke pirseke neteweyî bas li vê pêvajoyê nekirîye, lê belê dixwaze tenê vê êrîşê ji bo armancên rêxistin û gropên xwe bikar bîne, ji alîyeke din dixwaze navê xwe ji lîsta rêxistinên terorî îmha bke, hemwext dixwaze bi rêya meşa HDPê şikestinên xwe di rêya rizgarîxwazîya kurdan de bipeçine, herwiha dixwaze weke her car piropagindeyan li ser xwîn, mal û halê gelê başûr bke, ciwanên şoreşger ji parçeyên din yên kurdistanê li xwe kom bke û bi destê dagîrkaran bi kuştin bide. Çima sêrvîs kirina nûçeyên ne rast li derbara êrîşên Tirkiyê zirarê digihîne gelê Kurd? Dibe hinek kes bawer bikin ku PKK bi sêrvîs kirina nûçeyên ne rast weke dîmenên Heftenînê û navçeyên din ku paşmayên arteşa dagîrkar lê mane, ji bo berz kirina morala gerîlayan be, lê belê di rastiyê de du sedem hene û em dikarîn îsbat bikin ku amanca rêveberiya PKKê ji van direwan tu peywendîya wê bi gerîlayan ve nîne, sedem evin: Yek: gerîla tu yek ji wan piropagindeyên di soşyal medyayê de tên parve kirin nabîne, ji ber ku gerîla di rewşeke wiha dene ku xwe nikarin mobayîleke asayî jî bikar bînin, evca bi tu awa wê destê wan bigehe înternêtê û soşyal medyayê, ev jî bi wê wateyê tê ku amanca PKKê ji sêrvîs kirina nûçe û agahiyên ne rast girêdana wê bi berz kirina morala gerîlayan ve tuneye. Didu: dîrokê û belgeyên dîrokî tesbît kirine ku li ç demekê jiyana gerîlayan ji bo rêveberiya PKKê girîng nîne û rêveberiyê gerîla tenê weke xetîrekê ji bo helkirina agirê pîlanên xwe bikar anîne, heger bi hûrî em li vê pirsê bi nerîn, wê ji bo me pir zelal be ku qurbanî û mezlomên herî rastên siyaseta dije neteweyî ya rêveberiya PKKê gerîla ne, di qonaxên cuda yên dîroka PKKê de, bi hezaran gerîla ji bo berjewendîya rêveberên PKKê û ji bo bi cî kirina pîlanên li gel dagîrkarên Kurdistanê û dehan pîlanên siyasî yên şaş, canê xwe ji dest da ne. Parvekirina nûçeyên drew li derbara kuştina cendermeyên dagîrkarên Tirk, bera her tiştî fikra faşîst û dagîrkara Tirkan li himberî kurdan yekgirtî û radîkaltir dike, ev nûçe dibin sedem ku gelê Tirk bi hemû hêz û şiyanên xwe piştgiryê bidin hengavên hikûmeta Erdogan yên dagîr kirina beşeka herî mezin ya xaka Başûrê Kurdistanê. Lojîk dibêje me, hebûna derzekê li nava nasiyonalîzma Tirk weke neteweyeke ser dest li Tirkiyê çi bi sedema jêr pê kirina demokrasiyê be yan rewşa xirab ya abûrî û civakî be, di berjewendîya neteweya Kurd ya jêr dest da ye, PKK bi weşandina van nûçeyên ne rast, destê xwe li ser ciyê herî hesas yê nasiyonalîzma Tirkan danaye û ji Tirkan re dibêje, kurd rojane yê bi dehan ciwanên hewe qetil dikin, ev jî dibe sedem ku tex û çînên civaka Tirkan hev helwest bin û wê derza li nava xwe de pir bikin, bi gotineke din li dijî kurdan yek bigirin. Heger dengekî nerazî bi sedema rewşa abûrî ya xirab ya Tirkiyê û mezaxtinên herî zor yên êrîşên Tirkiyê li ser PKKê hebe jî, PKK bi van nûçeyên ne rast wan dengan bêdeng dike û wan jî têxe pal hikûmeta faşîst a Enqerê. Hemwext em di bînin ku kurd hemû hewlekê wan heye ji bo ku bandorê li civaka rojavayî û wilatên zilhêzên cîhanê bike, ji bo ku di hewara Kurdistanê werin, lê belê weşandina van nûçeyên drew yên pêgeh û ropelên PKKê û bi çendîn zimanên cîhanî, bûne sedem ku caddeya Ewropa, Amerîka û Rojava bi giştî bi goman li rastîya van hewil û daxwaziyên kurdan binêrin. Bi sêrvîs kirina nûçeyên direw, PKK rastiyan berze dike û kurdan weke direwîn li pêş çavên civaka navdewletî pêşan dide, mezlomiyeta kurdan kêm wêne dike û Tirkên dagîrkar weke mezlom û xwedî heq nîşan dide, caddeya rojava wiha kirîye ku bibêjin: madem kurdan hêz heye û dikarin bergiryê ji xwe bikin, çima em wlatên xwe û berjewendiyên xwe bixin jêr xetereyê. Ya rast tu hêvyek ji rêveberên PKKê nayê dîtin ku li şûna ew fikir li nûçeyên nerast bikin, fikrekî rast li wan ziraran bikin ku di pirsa netewexwaziya kurdî da dihên dayîn, lê belê me hêvî hene ku rewşenbîrên kurd, ciwan û kesatiyên neteweyî ku destê wan digehe dest rêveberên PKKê hemû hewlên xwe bi kar bînin ji bo ku ev siyaseta şaş û direw rast bikin, ew siyaseta bingeha xwe ji îmraliyê werdigire û digehe Qendîlê û domana wê diçe çavê gelê kurdistanê û rizgarîxwazên kurd. Xwezî direwên PKKê rast ban û rojane bi hezaran kes ji arteşa Tirkiyê hatiban qetil kirin Xwezî direwên PKKê rast ban û rojane hezaran kes ji arteşa Tirkiyê hatiban qetil kirin, xwezî direwên PKKê rast ban û Efrîn, Girê Sipî, Serê Kaniyê bi wî awayê hov ne hatiban dagîr kirin, xwezî direwên pêş niha yên PKKê rast ban û li Bakurê Kurdistanê şûnde ne vekşîyaban û ev karê wan tektûk baye û biryara Îmraliyê û lawaziya leşkirî nebaye, xwezî PKKê bawerî bi mafê serixwebûna yek car ya nîştîmanê Kurdan û serxwebûna Kurdistanê hebaye û xuyna van hemû ciwanan ji bo berjewendîya dagîrkaran ne hatiba rêştin, xwezî û hezar xwezî gerîla û endam û alîgrên PKKê li şûna radîkal bûnê bi awayekî lojîkî siyaset, gotar û biryarên rêxistnê helsengandiban û li merema rastîn ya rêveber û Serukanî ya sereke ya biryaran "îmraliyê" têgihiştiban.

darka mazi
20/06/2020

Kurdistan

Gundê “Sergelê” li Başûrê wilat ket ber êrîşa balefiran

Êrîşên dewleta dagîrkera Tirk li ser Başûrê Kurdistanê di domin, îşev aqarê gundekî din yê Dihok ket ber êrîşan. Çavkaniyên pêgeha “Darka Mazî” li Başûrê Kurdistanê eşkere kirin, îşev 19/6/2020an bi taybet li demjimêr 11:15 heya 11:35 xulek, balefirên dewleta…

darka mazi
20/06/2020

Kurdistan

PKK dîsan bo sedema şehîd kirina sivîlan li Dihokê

darka mazi
19/06/2020

Kurdistan

Ji HAK-PARê peyamek bo kurdên Rojavayê Kurdistanê

HAK-PAR: piştgirîya yekitîya sîyasî a kurdên Rojavayê Kurdistanê dike

Partiya Maf û Azadîyan HAK-PARê derbarê rêkeftina ENKSê û PYNKê de daxuyaniyek belav kir û di wê daxuyaniyê de ragihand ew piştgiriyê li yekitiya siyasî ya kurdên Rojavayê Kurdistanê dikin. Daxuyaniya HAK- PARê wiha ye: Xweşhal in ku piştî gelek…

darka mazi
18/06/2020

Kurdistan

Balefirên Tirkiyê aqarê gundekê Dihokê

Balefrên ceng yên dewleta dagîrkera Tirk, îro careke din êrîşê başûrê kurdistanê kir û gundekê sînorê parêzgeha Dihokê bombe kir. Çavkaniyên pêgeha “Darka Mazî” li Başûrê Kurdistanê eşker kirin, îro roja pêncişemî 18/6/2020an, balefirên ceng yên Tirkiyê, 2 moşek li…

darka mazi
18/06/2020

Rojhelata navîn

Ji Tirkiyê xwest leşkirên xwe paşde bi zivirîne

Hikûmeta Îraqê federal, îro careke din balyozê Tirkiyê yê li Bexdayê bang kir û yadaşteke nerazîbûnê li derbara êrîşên dagîrkeriyê li ser Başûrê Kurdistanê pê da. Li gor daxweyaniyê, îro roja pêncşemî 18/6/2020an, wezareta karên derve ya Îraqê, balyozê Tirkiyê…

darka mazi
18/06/2020

Rojhelata navîn

Tirkiyê kesek pir girîng desteser kir

Hêzên ewlekariyê yên Tirkiyê, îro keseke pir girîng ji boy dewletê desteser kir ku bi qasa DHKP/C tê nas kirin. Îro roja pêncşemî 18/6/2020an, hêzên ewlekariyê yên Tirkiyê, li bajarê Borova yê girêday Îzmîrê, kesê bi navê “M. S. D”…

darka mazi
18/06/2020

Kurdistan

Balefirên Tirkiyê şivanek li Başûrê wilat şehîd kir

Balefirên ceng yên dewleta dagîrkera Tirkiyê, di êrîşa devera Biradostî de, şivanekê pez li wir hedef kir û her rast canê xwe ji dest da. Çavkaniyên pêgeha “Darka Mazî” li Başûrê Kurdistanê eşkere kirin, êrîşên balefirên Tirkiyê 3 roje li…

darka mazi
18/06/2020

Analîz

Firset û rîskên Rojava û lihevhatina yekîtiyê

GER EV LIHEVHATIN HATE PÊKANÎN DÊ HÊT WÊ WATEYÊ KU KURD VÊ CARÊ DÊ LINGÊ ŞEYTANÎ DI CÎYEKÊ BAŞ RE BIŞIKÎNIN Îro ji bo Kurdan rojeke gelekî girînge ku firest û rîsk bi hevre ne. Ev lihevhatina dinavbera ENKSê û…

darka mazi
17/06/2020